【勵志】20歲港媽失婚網上戀瑞典男 做sales養佢12年後成材

TVB陳貝兒主持嘅真人騷《嫁到這世界邊端2》第4集，去瑞典搵到港女人妻毛毛同瑞典男老公Johan。中三學歷嘅港女毛毛唔夠20歲就喺香港嫁人，仲生咗個女。24歲就離婚做單親媽媽，之後喺香港就好難搵到第二春啦。

之後毛毛就上交友網站識到來自瑞典同佢同年齡，讀緊大學主修設計嘅Johan，極速相戀。

Johan就同佢阿媽講咗話毛毛係離婚同有個女，毛毛話Johan阿媽咁答：呢d女人好喎，夠成熟！阿仔你去搵佢啦。

於是Johan就賣咗自己層樓，拎住20萬過去搵毛毛。

之後因為簽證問題，Johan要結婚先可以喺香港長住。

因為經濟有限，結婚都無擺酒，戒指都係毛毛自己買。

結婚後，Johan就失業4年啦，靠做sales嘅毛毛一力獨養家庭，放工後仲要毛毛煮飯。

之後Johan都試過開公司，但都收入唔穩定，前後總共12年失業。

點知原來呢12年，Johan上網自學成材，第13年來港終於被間大公司請做設計師，仲收入唔錯。

之後再多1年，仲俾瑞典設計公司請咗！Johan同毛毛一齊返瑞典，做返少奶奶！不過唔知阿女有無跟埋一齊去啦，節目中未有提及。

所以唔好話Johan食軟飯啦，毛毛嘅愛情投資係有回報㗎！令到女主持陳貝兒都再次相信愛情！
完整片段可到此link（有機會有廣告彈出）：