【多圖有片】巨乳女搜查官蘇小小Zoe每日俾師傅按半個鐘胸 初戀係警察被家暴

ViuTV格仔導演Mike主理的《ERROR自肥企画》成功顛覆香港娛樂圈生態,即使節目播映完畢,但餘音裊裊,不但令ERROR四位成員、Mike導及無制限OT編集團成功自肥,更讓節目的女嘉賓有機會由網絡KOL踩入電視螢幕。其中在「肥仔自肥環節」飾演搜查官的Zoe蘇小小,在節目中穿上黑色漆皮緊身上衣上陣,身材玲瓏浮凸的她,有幕講遭肥仔拉下拉鏈,惹來網民無限遐想。

Zoe在「肥仔自肥環節」飾演搜查官,事後被網民瘋狂開post起底。(網上圖片)
Zoe在「肥仔自肥環節」飾演搜查官,事後被網民瘋狂開post起底。(網上圖片)
雖然搜查官角色引來迴響,但Zoe爆穿上這件緊身衣連去廁所都有困難。(網上圖片)
雖然搜查官角色引來迴響,但Zoe爆穿上這件緊身衣連去廁所都有困難。(網上圖片)
Zoe自爆當年因踩單車破處。
Zoe自爆當年因踩單車破處。

狂啪丸導致長期胃病

今年24歲的Zoe,自爆上圍屬D至E Cup,但四肢卻不合比例地纖幼,難怪節目出街後,她被網民質疑後天「僭建」,甚至起底將她中學時期的舊照上載到討論區。日前Zoe接受《蘋果》訪問,為此憤憤不平,要為自己的驕人身材作平反。「連登啲人話我『假胸』,我好想回應一下,佢哋攞我冇谷胸嘅相做對比,其實我冇谷胸都會影到好平㗎,係有心做你點都搵到位囉。事實我係豐滿型嘅,但我都落咗好多工夫,出去按胸呀,做針灸又有食豐胸減肥丸,日日食幾十粒藥落肚,試到啱為止。」不過亂食成藥的後果,是Zoe患上胃病,長期胃痛。其間她更因錯食網上購買的禁藥,令身體出現嚴重副作用。「呢啲辛酸嘢人哋唔知㗎,人哋一嚟就話一定係隆胸啦!」

Zoe認埋線瘦面,坦言做過唔怕認。
Zoe認埋線瘦面,坦言做過唔怕認。
今年24歲的Zoe,為了豐胸,無所不用其極。
今年24歲的Zoe,為了豐胸,無所不用其極。
四肢相對比較纖幼。
四肢相對比較纖幼。
小時候的Zoe,樣子和現在沒有明顯分別。(讀者提供圖片)
小時候的Zoe,樣子和現在沒有明顯分別。(讀者提供圖片)
她反擊網民指自己未谷胸的近照,一樣冇睇頭。(網上圖片)
她反擊網民指自己未谷胸的近照,一樣冇睇頭。(網上圖片)
對於隆胸一事,Zoe堅稱自己是下了不少功夫。(網上圖片)
對於隆胸一事,Zoe堅稱自己是下了不少功夫。(網上圖片)

下巴打針變V煞臉

除了豐滿身材被網民質疑「後天」加工,Zoe的五官同樣被批「膠」,指她鼻假、面形假甚至眼底的「臥蠶」,統統都是人工化,對於整容,Zoe直認不諱,但只限局部位置。「我個樣係有做過嘢,我塊面有埋過線,都有打過下巴,即係透明質酸,點解呢,因為細個中學俾人笑過哨牙,就算連登仔而家都笑我棚牙哨,其實我有諮詢過醫生嘅意見,亦有照X光,得出嚟結果話我唔係哨牙,而係成個下顎向後縮,下巴短,醫生話箍牙幫唔到個樣,要整吓個下巴先,嗰年我18歲,咁打針咪打針囉,咁打完個比例真係正常返,自信都多咗,呢啲嘢我唔介意分享,而家係咩年代啫,有做過唔怕認。」至於鼻樑、蘋果肌和臥蠶等位置,Zoe指根本無做過手腳,坦言信不信由你。

被網民質疑膠面的Zoe,承認有埋線和打針瘦面。
被網民質疑膠面的Zoe,承認有埋線和打針瘦面。
IG擁有27萬fans的Zoe,表示有一半都是台灣人。(網上圖片)
IG擁有27萬fans的Zoe,表示有一半都是台灣人。(網上圖片)

IG坐擁27萬fans

Zoe未做《ERROR自肥企画》前,在IG已頗有人氣,followers超過20萬,比起半年前193等人的IG fans人數高出數倍,對於獲邀做節目嘉賓,Zoe坦言最初一頭霧水,還擔心被騙子呃。「我好少睇電視節目,嗰時同好多人一樣,ERROR同MIRROR入面我只聽過姜濤個名,所以佢哋喺IG搵我嗰陣,我以為係白撞,到之後check返ViuTV個地址先知係真。」對於首次同ERROR合作,Zoe各有評價。「第一眼睇193係一個靚仔,佢比較靜,比較少講嘢,畀我感覺佢好似周星馳嗰隻智慧型搞笑,但係一roll機,佢就超搞笑勁騎呢。肥仔份人好專業,完全唔口花,好敬業嗰種,至於Dee哥,佢有教我做戲,話我啲戲唔夠層次,心諗我嚟客串吓咋喎,唔使咁認真啩!」對於ERROR三子,Zoe清一色讚不絕口,但對於剛「解凍」的保錡,Zoe似乎有點保留。「保錡份人……哈哈,都幾風趣幽默嘅,講嘢比較直接咁啦,所以佢一開口,我就會避開佢!」問Zoe為何要避開保錡,她說:「佢一嚟就好大聲叫我『私影妹』,佢話自己長期都有睇開私影group,識好多私影model!」Zoe坦言自己在14歲那年的確有影過私影,因此保錡的說話不會放在心上,亦不會覺得不開心,只覺對方為人心直口快。

Zoe大讚拍攝過程中,阿Dee和肥仔樂意幫助她,對保錡則顯得有點保留。(網上圖片)
Zoe大讚拍攝過程中,阿Dee和肥仔樂意幫助她,對保錡則顯得有點保留。(網上圖片)
拍節目當日,Zoe不斷避開心直口快的保錡,每次保錡一靠近,Zoe笑言會禮貌地向他舉起手指公。
拍節目當日,Zoe不斷避開心直口快的保錡,每次保錡一靠近,Zoe笑言會禮貌地向他舉起手指公。
Zoe透露在14歲時曾拍私影,結果被同學排擠。(網上圖片)
Zoe透露在14歲時曾拍私影,結果被同學排擠。(網上圖片)
早年Zoe在動漫節扮性感柯柏文,被大批龍友包圍。(網上圖片)
早年Zoe在動漫節扮性感柯柏文,被大批龍友包圍。(網上圖片)

遭警察男友家暴

《ERROR自肥企画》播完,Zoe的IG followers現時已躍升至27萬,但原來當初Zoe最忠實的fans來源卻是台灣,Zoe說:「啲人咪又係鍾意睇身材,啲台灣男仔好搞笑,佢哋會比較直接,會寫好長話好愛你,好欣賞你嘅內涵,心諗其實佢哋有幾了解我?」樣靚身材正,Zoe身邊男伴多年來可謂手到拿來,她坦言至今拍拖無數,短的一個月,長的兩年,不過她亦並非每次得心應手,更試過被初戀男友「家暴毆打」,慘痛經歷,歷歷在目。「嗰時喺網上識咗個18歲男仔,原本對我好好,之後佢考警察,入完學堂,出到嚟個性格都唔同咗,粗暴咗好多,好記得最後一次同佢見面,係喺大埔廣場出面,佢當住好多人面前,打咗我一巴再推我落地下,呢啲情況都試過3、4次,每次佢都一啖砂糖一啖屎,最後我忍無可忍同佢講分手。」

有不少拍拖經驗的Zoe,難忘被警察男友家暴。(網上圖片)
有不少拍拖經驗的Zoe,難忘被警察男友家暴。(網上圖片)
拍《ERROR自肥企画》時,Zoe坦言對ERROR四子沒甚印象。
拍《ERROR自肥企画》時,Zoe坦言對ERROR四子沒甚印象。

自爆踩單車破處

初戀的悲慘經歷亦勾起Zoe的二次創傷,原因是她將自己的第一次奉獻給初戀男友,但對方卻不相信她。「自己11、12歲嗰年,因為踩單車破處,原本自己唔知,但有次下面發炎,醫生話『阿女,你處女膜穿咗喎!』我就回憶返原來嗰次踩單車,原來已經破咗處喇,初戀男友唔信,啲連登仔都話我呃人呀,仲叫我補吓腦喎,我冇講大話,行得正企得正,就係咁樣破囉!佢哋唔信可以自己問吓醫生!」

為客人紋身時,Zoe不愛打扮,她笑言可避免被撩機會。(網上圖片)
為客人紋身時,Zoe不愛打扮,她笑言可避免被撩機會。(網上圖片)
本身愛畫畫的Zoe,自小便想當紋身師,本身亦儲落不少熟客。(網上圖片)
本身愛畫畫的Zoe,自小便想當紋身師,本身亦儲落不少熟客。(網上圖片)

紋身師唔怕俾仔撩

不說不知,年紀輕輕的Zoe除了做show girl、網上KOL外,更是一名紋身師,擁有一班熟客仔,問她在工作時可會被客人撩,她笑言:「佢哋見到都唔會撩,因為我幫人紋身時,係真素顏,T恤長褲,其實平時個樣好樸素好正常,或者咁佢哋嘅興趣即刻下降晒!」原本收入可觀的她,由於疫情關係,導致所有工作一下子冇晒,對於有家庭負擔的Zoe來說,可說晴天霹靂。「我同家人住喺公屋,唔係咩有錢人屋企,我亦係家庭經濟支柱,所以突然冇晒啲job都好徬徨。」由於不想坐以待斃,Zoe早前花幾千元在家中手製盆景花放上網賣,不少fans響應買花,現時更是熟客佔3成、街客佔7成,見生意漸上軌道,早前Zoe更開設地舖,疫境下成功轉營。

Zoe坦言自己是微胖女,只要稍一不慎,身形很容易變肥。
Zoe坦言自己是微胖女,只要稍一不慎,身形很容易變肥。
Zoe的花店經營數月,生意開始漸上軌道。(網上圖片)
Zoe的花店經營數月,生意開始漸上軌道。(網上圖片)

發佈留言

發佈留言必須填寫的電子郵件地址不會公開。