港男勇闖大阪禁地 連日本人都唔敢去嘅區域
日本大阪禁地
大阪作為最愛香港人喜愛嘅日本城市之一,除咗「食、買、玩」,大家對佢嘅了解有幾多? 跟著名景點通天塔嘅一街之隔,竟然有一個連日本人都唔敢入去嘅地方——愛鄰區,被喻為「日本最貧窮的地方」,究竟大阪嘅繁華背後點解會出現一個咁嘅禁地?連登巴打「evilalien666」就玩命式闖入,實地拍攝,真係令人大開眼界!
愛鄰區
呢位巴打唔係玩玩下,真係做足背景資料搜集㗎!話說喺日本經濟高速增長嘅年代,大阪有好多大型基建發展,需要大量基層勞工。
佢哋大部分都聚居喺愛鄰區,呢班日薪制嘅勞工,生活並冇保障,直到後期日本經濟衰退,失業、年老、貧窮等問題浮現。
加上黑幫嘅滲入,警察又貪污受賄,令到區內嘅人積埋好多怨氣,曾引發二十多次暴動!
西成暴動
1990年,第22次西成暴動,汽油彈都出埋!
日本政府視愛鄰區為老弱傷殘、貧窮、暴力、黃賭毒嘅集中地。
當地人都唔願提起呢個咁「失禮」嘅地方,而喺地圖上,愛鄰區更加係「被失蹤」!
玩命偷拍
黑幫控制下,連當地攝製隊都好難入去拍攝,所以「evilalien666」巴打呢次單拖入去偷拍,絕對係玩命!
愛鄰區跟著名景點通天塔只有一街之隔,但係同大阪其他地區嘅繁華相比,就好似平行時空咁!
地踎店舖,賣嘅嘢價錢好平,不過真係唔多開胃,難怪巴打話唔多想幫襯!
街上只得老弱傷殘,冇乜後生仔。
耆英雲集棋藝館
舊式機鋪,以為去咗80年代嘅油麻地。
地下戲院
地下「四仔」戲院,入面啲座位冇人敢坐,個個排排企欣賞「愛情動作片」!
巴打入咗戲院一分鐘就雞咁腳走,話頂唔順入面濃烈嘅「異味」喎!