【不斷爆】黃子恆狂溝TVB花旦同主播！

關於黃子恆嘅溝女事，仲有唔少料爆出黎！有報道指佢兜搭過tvb嘅花旦有吳若希、李佳芯、朱晨麗，主播嘅有羅鈺文、張文采！

黃子恆有次喺大台員工餐廳，三唔識七照咁埋身抄主播羅鈺文牌。

之後再用同一方式，溝主播張文采。當時張文采嘅男友羅鈞滿即時鬧爆佢！

2014年，黃子恆同李佳芯拍《Sunday扮嘢王》，傳有過半年情，仲被影過喺西貢撐枱腳，但Ali經常問同事「黃子恆係個點樣嘅人」。

2015年黃子恆同吳若希拍《實習天使》，女方被影到接黃子恆收工，再喺赤柱撐枱腳。

之後就到偷食人妻裕美，斷正拍拖行街買餸，又有情慾短訊流出。

裕美事件半個月之後，就約朱晨麗去酒店飲酒段正。

幕前已經有咁多女遭殃，期待幕後嘅儘快將佢惡行都爆出啦！
原文